Na Meke ni Gagano
Na Vakalutuivoce se Vakavunigasau
Ni sa bula vinaka mai. Oqo na tabana ena Fijituwawa.com ka qaravi vakatabakidua kina na MEKE VAKA-VITI. E gadrevi me vakabulabulataki tale mai e so na i tovo kei na Meke makawa Vaka-Viti ka rawa ni da vukei ira na luveda meda wilika vata ka vulica vata na kena i balebale kei na kena bibi ni dodonu mera kila ni o keda e dua na i taukei mai Viti. Keitou nuitaka ni ko ni na marautaka na tabana ni veiqaravi oqo. Vinaka vakalevu, Fijituwawa Research Team.
Gauna ni Marau
E dau caka na veimeketi ka dau vakavuqa me dau caka na vucu. Na meke bulagi e dau caka ena gauna ni siga ni sucu se tawase ni yabaki
Yaco mai na Vulagi
E dau caka na veivakamarautaki ka caka na meke i cili. E liu e dau caka na veisauvi (meke vaka i taukei ka meke na vula). Ni ra meketi na vulagi ka ra sega ni rawa ni sau – e dau caka na i vakatale ni meke.
Ni dua e Mate
Ni sa bogi va e dua, e sa rawa me caka na meke. Na yaca ni meke oqori na vakavidiulo
Sucu ni dua na Gone
E dau caka na meke ka ra dau meke ni vakalasalasa kina na buinigone ka ra dau kevekeve tiko kei ira ka ra lako yani na kedra baba se ko ira e ra laki roqoroqo yani. I a ni sa qase cake mai na gone e dau vakawelei na meke nei tukana se ko buna na meke ni vakawele.
Na Vucu
Ni dau vakacavari e dua na cakacaka me vaka na tara vale, teitei, were koro, se cakacaka vakavanua tale eso, e ra dau qai mai dabe ena vakacegu na qase ka laga na vucu se vakavunigasau se vakalutuivoce. E dau sega ni dau matanataki na vucu.
Na Lakalaka kei na Mauluulu
E wili take ga na Tafi ka dau meke vaka Toga ka dau vakayagataki vakalevu main a Yatu Lau.
Na Vakayalewa
Oqo na meke vakavosalevu ka dau caka ena gauna ni soqo ka levu nai vukivuki ni vakalasalasa e dau caka kina. E dau levu cake saran a vosalevu ena vanua veitabani.
E na qai vakuri tale yani...Fijituwawa Research Team
Na Meke ni Manumanu